Parroquia pertencente ao arciprestazgo de Insua e Taboada. Limita ao Norte con Bembibre e Couto; ao Sur con Gondulfe e Campo; ao Este con Carballo e ao Oeste con Frade e Gondulfe. No 1991 contaba con 140 habitantes distribuídos entre as entidades de Carreira, Miravá, Moíña, Mordadiz, Moreda de Abaixo, Moreda de Arriba, Penas, Ramil e Soaz, cunha densidade media de 32'5 hab/km2. A casa-torre de Moreda foi solar dos Camba e os Montenegro, ademais de situarse alí o cárcere xurisdicional no soto a finais do s. XIX, aínda se conservaba o cepo dos encadeados. Así mesmo, a igrexa parroquial é de orixe medieval.